Accueil > S tmazight > Isallen > Tamazight d uwanek amurit’ani...
Tamazight d uwanek amurit'ani...
CERD ad isekyed aneqqis n uwanek amurit’ani...
lundi 9 août 2004
par Masin

Awanek n Murit’anya iga yiwen uneqqis ghef ubellen mgal isnuheyuyen i g teg unabad’. Aneqqis agi ittunefk i Lkumiti i waffas n usnuhey n (Comité pour l’élimination de la discrimination raciale - CERD). Lkumiti agi d yiwen waggay illan di tseqqamut n yeghlanen idduklen (Nations Unies). Aggay gan-t-id i wakken ad ittagez’ aff izerfan n wemdan.

Aggay CERD ibda asekyed n uneqqis n unabad’ n Murit’anya ass n 6 deg wagur ghuct agi i deg nella, ad ifak ass n 9 di ghuct. Imaslad’en n CERD ad fken isteqisyen ghef tghawsiwin i ghef ur d-imeslay ara uneqqis n Murit’anya ; yerna llant tdukkliwin n izerfan n wemdan i yefkan tilgha i CERD ghef ayen id’errun di Murit’anya mgal izerfan n wemdan.

Akken nwala, tamnat’ agi n Tmazgha i yett’ef uwanek n Murit’anya d tamazight, d akal n Imazighen. Ar ass-a llan wid yettmeslayen tamazight xas ulamma drus yidsen (drusen) imi tuggti n Imazighen di temnat’ agi ttun tutlayt tamazight ; ttmeslayen taâr’abt alammi ughalen ttun ula d iz’uran nnsen imi ghillen iman-nnsen d Aâr’aben. Di temnat’ agi n Tmazgha tekcem tinesslemt akken ilaq ; tress’a iz’uran imi dagi asmi Imazighen rnan-ten waâr’aben dgha rran-tt i tghuri n leqwran d leqdic aff tinesslemt ; ran ad d-kken nnig waâr’aben i d-yewwin "tawaghit" agi (tineslemt).

Ayen nez’ra d akken ass-a drus n Imazighen i mazal ttmeslayen tamazight di temnat’ agi. Yerna tuggwti n wid I ttt-yettmeslayen d imdanen imeqqranen. Imez’yanen ulac nagh drusen. Adabu amurit’ani d taâr’abt i yesseqdac, d tinna i yerra di lakkulat, di tilibizyu, r’adyu,...
Tamend’awt-ines d tultlayt taâr’abt i tukez d tutlayt tuns’ibt. Ma d tamazight ulac-itt ! Ur telli dui tmend’awt, ur telli di tmeddurt n yal ass. Dgha ayen d-yeqqimen a t-tkemmel tsertit agi n udabu amurit’ani I ran ad yerr akk medden d Aâr’aben-inselmen. Tamazight ilaq a tt-yessenger.

Dgha tamesmunt Tamazgha tga yiwen uneqqis aff Tmazight di temnat’ agi. Aneqqis agi tefka-t i ymuzayn n CERD i wakken ad walin dacu n waddad i deg tella tutlayt tamazight di temnat’ agi n Tmazgha. Aneqqis agi, Tamazgha tsemma-yas "Tamazight di Murit’anya : tutlayt tamazight de webrid n ulubbed". Tamazgha tra a d-tessken i ymuzayn n CERD d akken adabu amurit’ani d unabad’ ines gan yiwet n tsertit ibedden aff usnuheyer n Imazighen i mazal ttutlayen (ttmeslayen) tamazight, imi tamed’awt n Murit’anya ur d-bdir ara tutlayt negh idles imazighen, tutlayt tamazight ulac anda yezmer yiwen ad tt-imeslay (ala deg xxamen ga-asen) ; ayen akk ixeddemunabad’ aff yedles Tamazight ur tt-id is’ah’ wara : d taâr’abt kan i yesâan izerfan, d nettat i yellan...

Deg neqqis-ines, Tamazgha tessuter deg muzayn n CERD akken ad as-inin i tmagla n unabad’ amurit’ani ad h’ebsen tasertit nnsen i llan mgal Tamazight d Imazighen, yerna ilaq ad gen akk ayen ilaqen i wakken tutlayt tamazight ur tettmettat ara : ad tt-gren di tmend’awt-nnsen, ad tt-slemden di lakul, ad tt-skecmen di r’adyu d tilibizyu, ad gen allalen ilaqen i wakken idles amazigh ad ittwasnefli, ad slemden amezruy n tmurt, n Tferka n ugafa, i wakken ad issinen yemdanen iz’uran nnsen.

Deg welghu id tessufegh, di Genève ass n 6 di ghuct 2004, Tamazgha tura-d akken aneqqis n udabu amurit’ani iççur’ d tikerkas imi ger wayen yuran deg uneqqis d wayen itegg unabad’ amurit’ani yella wayen illan ger igenni d tmurt ! Am tuggwti n iwunak n umad’al, dgha wid yellan d tisnuraf ; si tama zemmlen imsisiyen n Ighlanen yedduklen (ONU), di tayed’ teggen ayen illan d angmal n wayen d-qqar’en imisisiyen agi. Dgha Adabu amurit’ani izemmel imisisyen n izerfan n wemdan, iâeffes Imazighen d tutlayt d yedles nnsen : akka ira ad-ifek udem ifulkin yerna ad isenger Tamazight yiwen ur iz’err. Dacu ass-a ur nettadjja ara iduba am win n Murit’anya ad srewten akken ran di Tmazgha !

Nessaram akken imuzayn n CERD a d-skeflen taluft agi n Tmazight di Murit’anya yerna ad as-inin i wnabad’ nnsen akken ad ibeddel ttasertit ines aff Tmazight.

Ayen illan a t-id nini deg wmagraden id iteddun.

Amnegh Agafu





-  Amawal n wed’ris agi
-  Amawal amazigh
-  Gher Alghu n Tmazgha s tefr’ansist

- Gher aneqqis n Tmazgha

Articles dans la rubrique :

Isallen
24/08/04
0
Tenfalay tallunt n unnli-nu, cerrgen ifaliwen n iseqsiten tawengimt-inu, nsin ixemmimen n yid’ (...)

Lire l'article


Rejoignez nous