Accueil > Culture > Littérature > Tifeswin : takemmict i d-yessawalen gher tnekra (...)
Tifeswin : takemmict i d-yessawalen gher tnekra !
sghur Salem Zenia
mardi 27 juillet 2004
par Masin
Asefru amenzu deg tkwemmict-agi i yagh-d-yura Salem Zenia d yiwen usefru ara ih’azen s kra n tin d win i wumi tilelli dayen ur nesâi azal. Ula di teqdimin i d-sawalen imezwura, tella tinna n wuccen i s-yennan “Tudert s teqlat’ ula i wumi”. Uccen yefren ad yeqqim i laz’ d acu d ilelli wala ad itch ad yer’wu maca ad yettwaqqen s teqlat’ am weqjun.

Ihi win iran (yebghan) tilelli, ur yelli s wacu yezmer ad-tt-ibeddel.

Asefru i s-yebda tazmamt-is Salem Zenia d asefru i d-yeqqaren “Ad ddregh kan d ilelli”.

W’icqa ma qqimegh di laz’
W’icqa ma tchigh tuga
I ubeh’ri d tili
W’icqa ma ssigh alezz’az’
W’icqa ma gnegh ghef tmurt
Delgh igenni
W’icqa ma r’wigh tingaz’
W’icqa ma ddigh d aâari
Negh fell-i tneggi
W’icqa ma zedghegh tiz’gi
W’icqa ma ddurigh iz’ra
Ad ddregh kan d ilelli.

D aghref amazigh umi tettwakkes tlelli ; d tamett’ut d ylmez’yen umi tettwakkes dighen tlelli agi,... D wigi akw umi d-yura umedyaz tazmamt-agi. Dayen ddren imezwura d imennughen i sazzlen ahni (idammen) u mazal ara yattazzal i ghef ira ad d-yemmeslay (nagh ad d-yessefru). Ira ad ifak lbat’el... ad tfak tebrek...

Tikemmict-a n isefra, amedyaz ira-tt d tin a d-yinin ayen iqer’h’en ilmez’yen n wass-a, ayen i sen-yettwakksen : tayri, tilelli...

Ilmez’yen umi yettwakkes yedles d tmagit nnsen. Ilmez’yen agi n tmurt n Leqbayel, ass-a, tegra-yasen-d kan trewla negh timenghiwt n yiman.

Tazmamt-agi deg-s 63 isefra s teqbaylit. Isefra-agi, amedyaz yerra-ten-id ar tefr’ansist i wakken a ten-fehmen wid ur nessin ara taqbaylit akken ilaq.

Deg usefru umi isemma “A d-yas wass nnwen !” amedyaz yettmeslay i wid iteggen lbat’el, yettawin tebrek, i gezzmen iz’uran n tayri d tlelli. Ar ghur-s wigi d iqewwaden... a d-yas wass nnsen... yerna ilaq a d-yass wass nnsen.

Ghas amedyaz yessawal ghef lbat’el, ghef tebrek... di tezmamt-is yella usirem... Asirem d win n Imazighen ara yawd’en iswi nnsen m’ara ssighen asafu n tmeddit i s’ara tfedjedj tafat n uzekka.

Tifeswin dighen d amennugh ; d amennugh yeggunin wid iran tilelli ; amennugh yeggunin Imazighen.

Asefru Amagdu iwwi-t-id ghef wid akk yerked’ udabu azzayri, wid kellxen ula d wid akken i sen-yeqqar’en nekni awen-d-nawi tugdut.

Ar umedyaz, win ygan kra a t-ixelles’. Deg usefru “Ass-a” yenna i yat lbat’el “Asennan nni i tmegrem, ad yerwet s id’arren nnwen”.

Di tkemmict-agi ines, Salem Zenia ur yezgil ara tineslemt. Tineslemt agi d tin ygan deg-negh ighisi, tuli fell-anegh am tawent. Taârabt d tineslemt d at’an d yeghlin ghef Imazighen, d at’an yran a ten-yekfu... Dagi amedyaz yenna-d yiwet n tidet d taqur’ant... yenna-d, ghef at’an agi, "Nekk ttsughugh kan deffir tewwurt" ...Akken akk i teggen wid iwalan anecta.

Anwa ur nwala belli tineslemt tusa-d s wuzzal ar tmurt n Imazighen ; anwa ur nwala belli Inselmen asmi d-usan ar tmurt nnegh nghan, jeggh’en tilawin, nghan imgharen, jeggh’en timizar d tz’egwin... Tineslmet deg wasmi d tusa tewwi-d yid-s tebrek d lbat’el. Kra yellan yelha teskuffr-it, terra timedlin i tayri, tessregh ijedjigen, tga aghummu i tafat... yerna tewwi-d yid-s tarbibt : taârabt i kemmlen i wayen d-yeqqimen. Ass-a snat-agi, tineslemt d taârabt, m’ur ttwakksent ara ur tezmir ad tban tafat !
D aya i ilaq ass-a a t-id-nini ; d aya i yura umedyaz a t-fehmen yemdanen ghas tadebbuzt tegguni-yagh, acku tadebbuzt d tin yetth’araben ghef taârabt d tineslemt di tmurt n Imazighen.
Wi s yennan tfuk tegrawla, negh tfuk tnekra !? Mazal ilaq ad ilint tegrawliwin, ad ilint tnekriwin : tid n Imazighen...

Deg usefru "Agdud", amedyaz inna :
Agdud yellan d agellid,
Gher yiwen werdjin yesnis,
Yusa-d zzman wer nerfid
Yettwargem ur d-yenna.

Akka i s-ted’ra i wegdud Amazigh !

D acu agdud amazigh ilaq ad d-yas wass i deg ara yerfu, am netta am yegduden nnad’en...Ass-nni ulac d acu ara s-izemren... Deg usefru "Igherfan ma d ay rfan", amedyaz yenna :
Igherfan ma d ay rfan,
Ur sen-zmiren leh’bus
M’ara yers ad tenufru,
Ma ulac ad yezzi s wallus.

Yerna agdud m’ara yerfu "Am wehdum i yett’umu wid yefkan fell-as afus". Wigi yefkan afus deg-s, tugti seg-sen d arraw-is. Dgha amedyaz yewwi-d asefru fell-asen. Asefru agi iqqar-as : "Imzabnen". Wigi d wid yenzan ran ad zzenzen tamurt... dacu amedyaz yenna-yasen :
Win yenzan nefka-t,
D akerfa n tirect,
Deg wude ur nekkat,
Ttarwent lxalat.

Amer ur llin wid yenzan, yal wa s wacu, tifi Tamazight ata tefrar-id fell-as tafat !

Deg tkemmict agi n salem Zenia yella dighen usirem ; at’as usirem, asirem n Tmazgha... Ass-a ur ilaq ad ilint tlisa ara-gh issagden ; tilisa ilaq ad rr’zent i wakken ad neg abrid i tlelli, i tafat, i Tmazgha...

Dgha Tamazgha, amedyaz iwwi-d fell-as asefru umi yeqqar “Tamazgha”. Amedyaz yenna Tamazgha isem-is tilelli, d acu tilelli deg-s ur telli. Tilelli neqd’en-tt deg-s icenga n tudert : deg wasmi d-tekcem tineslemt ar Tmazgha tughal d azaghar, tilelli deg-s tenger. Amedyaz inna :
D ajrad i m-d-yughen az’ar,
yutrar-d abrid ineslem
Ansi yekka yeddja ilem,
Tamurt tughal d aqerqar.

[...]
A Tamazgha !
Asirem i gh-d-tefka tefsut,
Tilelli-nni wer nelli,
S tfeswin a tt-id-nawi.

Wid yeqarren s tmazight, zemren ad-d-aghen Tifeswin ad afen deg-s isefra, ad afen tikta : yelha akka s ya gher da agh-d-yerr yiwen asirem, agh-d-ismekti ghef ayen gh-yurzen, a gh-d-isiwel ar tnekra... D aya i yga Salem Zenia di tezmamt agi ines.

Masin Ferkal.

Salem Zenia, Tifeswin / Printemps, Editions l’Harmattan, 2004.
90 pages, 11 €.


Agbur

Ad ddregh kan d ilelli
Ur zett’et
Mi d-mmektigh
A d-yas wass-nwen !
Iwumi sen-righ
Amagdu
Isnuraf
Taxazzabit
Amudi
Ass-a
Tadebbuzt
Azmad’
Tghad’em-iyi
Agdud
Nnan i wegdud
Yensa yetri
Aserdel
Neqqen s Rebbi
S ddaw tili n tmettant
Idles arqiqan
Tamazight
Ebges ay amnay
Tamenzut
Fell-am
Ay amazigh amedlus
Tesd’er tfekka-s
Dderk
Mm-izugla
Temzi nnegh d acu-tt ?
Ilemz’i
Yir tudert
Meqqer ufezrir
Gurrâegh-d
S ani ?
Tanekra Umazigh
Tafsut Umazigh
Agdud
Tanekra
Tilisa nkuker
Ibeâtiyen
Taâr’abt
Tezwegh idammen
Az’ar
Tudert tettenqas
lgherfan ma d ay rfan
Ad ghiben yefrax deg igenni<br<
Mi z’righ agdud-iw yekker
Ad’u
Tanekra n tuber
Tilelli nettidir yes-s
Imzabnen
Azaylal
Anef ay ul
A Tamazgha !
Ers ay ul
Bghigh ad gregh tighri
Taneffut umedyaz
Aghbalu
Iman-iw
Iman n ufertettu
Mi gh-yenged wurrif
Tahregt
Muqlegh gher deffir

P.-S.

Tazmamt = adlis

Articles dans la rubrique :

Littérature
01/05/12
7
Iγed n tlelli ("Les cendres de la liberté") est un nouveau roman en langue amazighe publié aux (...)

Lire l'article

31/01/11
1
A la fin de l’année 2010, l’ouvrage Le siècle identitaire, la fin des Etats post-coloniaux a été (...)

Lire l'article

10/02/09
5
Le premier roman féminin kabyle vient d’être publié. C’est à Tizi-Ouzou qu’il a vu le jour juste (...)

Lire l'article


Rejoignez nous