TAMAZGHA

Amwan n uccnen

Masin — 2004-06-09T20:41:23Z

Talluzit s tenfusit (Tamazight n wedrar n Infusen)

AMWAN N UCCENEN

Uccen d awessar yisi igeâmez g thufret nnes, s iseggasen d netta yehrez.
D igen s wadin n uccanen ileh'rfen, iseqdeâ tameddurt-is d netta ittazzel deffer tiwji m utcu. Yegic tbuqâet as yeflic negh ccellag llhiwan y tcic sis izmer negh sen. Yessen inilta n ddunyet d dis yila mmuten d netta yeqqim yedder.
Assu y mgher d ur yezmer ayetc g ddist-is d izmaren n xxul
rah'en uâeren afellas, alaz irenni, ttallast tenned sis, yeh'cu g thufret weh'des, la mammu yesseni, gher ixsan ttemqaqasen jar tittawin-is alemmi yerni afella-s lhelwas, izerr id ikmel g-izmaren tnegzen zzates, iladdayen-is tseksken d i-ssuggam lemmi igen s wadin n izmaren a yuda jar idarren-is.

D uccen yegic tasbaxt wet yenkidc, yethuffu id ikmel deffer
adus n wisum, adann-is ttezfen d isinn-is tsetren allemmi an-tyezzu am tadriwin g tekrumt n igen s wadin n izmaren.

Manis yerni afella-s lhelwas d irah' yuser mallik meââadc ghers ljuhed bac ay wett af iman-is, yukez belli inilta n xxul uâeren d uccanen llamahud wuh uci uâer d ammi ufinc matta a-tcen tteten g iman nsen.
Amyu yegged ay neggez afellas igen s wadin n uccanen ileshmen d at yetc gher ammi yeswa aman d ayu s matt ixemmem ay rwel xir-as d ay ali l wedrar, balek ay af thufret ay seqdeâ dis leâqab n ussan-is.

Ggid s wadin n idan hman n amwan yewya abrid g yettem yeggur, y tsettel ab accar bac uzerrentic allemmi yewwed l-wedrar d yufa txujnet tevza lejjaj jar idvaven, amyu yutef ttarjijit teggay dis.

Qdeâen afellas iseggasen d netta yehcu g wedrar, yuser, tafenzuzt-is tneqqel d id'arren-is qquren s usemmid', yetmita g adin n izmaren la rahen afella-s, ickelt ay af tyardest, ickelt tili temmut d ickelt ay qqim blac.
Tamettant tqerreb sis, yerni afella-s axetref, ijjujaf s iberkas d izmaren alemmi yehbel s alaz d irah' issufagh
g ixef-is s thufret d iâegga, iâegga id ikmel.
D ayu d lhal n tmeddurt ussan gguren, izmaren ttazlen
d uccanen iwessaren aqqimen âeggan !

Sassi Dehmani

Mazigha, tin h'emmlegh

Masin — 2004-05-16T22:00:00Z

Mazigha, tin h'emmlegh

Wagi d yiwen seg imeddukal-iw i th'uza tedyant unebdu n 1985. Wwint ibulisen gher lh'ebs imi yettekka di tmesbanit d-yed'ran di 20 tuber' 1985 di Draâ Lmizan, tamesbanit i xedmen inelmaden ssuturen di leh'kem a d-id'laq i ymeh'bas n Tmazight d Izerfan n Wemdan. Asmi d-yeffegh umeddakel-agi si lh'ebs di tefsut n 1986, llan wid i yeqqaren aqcic-agi idderwec, a yesxewtir... R'uh'agh z'righ-t-id, inna-yi-d tamacahut n Mazigha, tamazight ih'emmel... Mi yas-sligh i tmacahut, ufigh tefka anzi gher taghect nni n Fer'h'at “Aqcic d uâett'ar”, dgha nnigh-as ghef aya. Yenna-yi : xat'i ! D acebbi kan i tt-tcebbad' : timucuha ur mcubant ara akkw !

Attih tenfust, init tamughli nnwen !...

Tayri nnegh tefka isegmi. H'emmlegh-tt th'emmel-iyi, acu ar a-d-nernu. Tefka afus-is, fkigh-as afus-iw ; a-d-tettad'sa, a s-ttad'sagh. Tin ukud a rregh axxam ! Nessarem si zik a neddukel, talwit ad tili yid-negh, a tt-id-nedj i tarwa nnegh. Mazigha th'emmel-iyi : iban ghef allen-is matchi arma tenna-t-id. Z'righ d nettat kan i sâigh, d nek kan i tesâa. D atmaten akken i dagh-d-tedja yemmat-negh Dihya d babat-negh Aksel, d babat-negh ameqran Masensen asmi mmuten akken a nidir di liser d yisegh di tmurt nnegh. Weltma-agi teqqim-d ghur-i. D igujilen i nella. Asirem izdegh ulawen : ussan iberkanen ad faken, ad aghegh Mazigha, ad tt-sfer'h'egh, ad teffegh targit gher tilawt, ad ifak fell-agh ddel.

Nezdukel ifadden nnegh, nebda a nxeddem. Tamurt tefr'eh' s tarwa-s igujilen, tefka-yasen-d timz'in, irden. Di tzeqqa, ur agh-inghi usemmid', yalci yugar fell-anegh.

Yiwwas, attaya tudef-d yiwet n tâet't'art si tmurt n wid ur yettseth'in s lâar n babat-sen, a tetteddu, tettettar (negh tetmetra akken qqaren kra !). Tghad'-iyi, ffghegh ad as-muddegh cwit' n inighman, n zzit uzemmur, awren n yirden, sin ijeqdur'en...

Tamet't'ut, ayen deg i muqlegh deg wallen-is, bghigh a tt-d'erqegh ssyen. Maca awal ur t-id-nnigh : tezwar tewwet-iyi-d s lh'erz s idmaren, tughal taâlleq-iyi-t-id gher temger't'-iw. Seg imiren, ur z'righ anda ddigh, wala amek lligh, wala d acu i lligh, ughalegh ttmeslayegh tutlayt matchi inu.

Tamet't'ut nni tekcem axxam-iw, tccemt-iyi ger lghaci nek ur faqegh. Terra Mazigha d taklit fell-as, Mazigha ad tekrez, tezreâ, temger, tesserwet, tez'd' ; mi yewwa seg-s ur tettett. Tin nnid'en, Mazigha tughal s adaynin, tettd'eggir fell-as temghart-nni ighighden akken rghan. Mi kkregh a d-net'qegh amzun d takmamt i yughalen i yimi-w, ur zmiregh ad sughegh : awal yegguma a d-yali di tgerjumt. A yir ussan melmi a tfakem !

Yiwen yid' akken, tceggeâ-iyi tgezzant-nni tenna-k : “Err ghef ayla-k ! lxweggan kecmen-d gher-s, wwd'en-d s aseqqif...” Fghegh ihi s imnekcamen-nni a ten-ssufghegh si tmurt-iw, ur s-nnigh ad ffghen armi qrib ifuk cit' ufud-nni d-yeqqimen si tegrawliwin yezrin asmi d-kecmen wid yellan akin i Wegrakal gher Tmazgha. Nedfen-d akk ideddyen-iw.
Mazal cit' ad yali wass, nnigh-as tura dayen ifukk umennugh ad ughalegh s axxam. Deg webrid, tâerq-iyi tmeslayt-nni n tgezzant, mmektagh-d tutlayt n imarawen. A leh'h'ugh : ayen deg i yi-tefka tewwurt, ghligh deg agens, idim yettquddur seg-i.

Tagezzant akken twala a ttmettategh teffegh s azniq a tettsughu tessawal i watmaten-is anda ma llan a d-asen ad zedghen axxam.

Mazigha teghli-d fell-i a tettru, imet't'awen ad tqudduren ghef udem-iw am tmeddelwit. H'ulfagh i tcenfirin-is yerghan ghef teksumt-iw. Ah ! xersum d snat tmiqa.Mazal Mazigha tettru nek ttakigh-d cwit' cwit'. Mazigha, imet't'i-yis yughal d isefra, d timucuha, d amezruy. Attaya deâwessu nni tekcem-d, tâedda a tt-tekkat arama a ttazalen seg-s idammen, mlalen d wid yemmaren seg-i, uzzlen d ih'emmalen. Tagezzant tezzugher-anegh s adaynin h'ala yiwen usfaylu i yesâa, si cit' n tafat d-ikecmen seg-s, nettwali deg uh'emmal n idammen amek yebd'a d tiregwa. Tamurt-nnegh ukk tughal d tazeggaght. Bdan ijeddjigen iwraghen a d-ttemghayen, idammen ttazzalen kettchmen ula s iz'ekwan n ibabaten-nnegh : wid nghan imawlan n tgezzant. Idim yekcem tinet'lin n imarawen yemmuten akken ad agh-tt-id-h'arr'en asmi ttgallan "Tamazgha n Imazighen", nnsen yiwen ur asen-tt-itekkes ! Urzen-anegh s ssnasel nek d tin h'emmlegh, di tillas nni nwala tawlellest tebgha ad teddj amkan i tafat, tillas ad ftutsent. Nwala it'ij mi d-yenqer, tafat-is tiwed'-agh-d. Zzigh gher Mazigha yellan mazal-tt ghef yedmaren-iw, muqlegh-tt, h'ulfagh d azghal nni i yi-d-tefka i yi-d-yessakin. H'ulfagh zemregh ad beddegh, maca mi kkergh a jebbdegh di ssnasel ugint ad qqarsent. Ghas akken ttwarzegh, nnd'egh-d afus-iw i tin h'emmlegh, nettat daghen tenned'-d afus-is i tiddi-yiw. Nezdukel ifadden-nnegh, bdant ssnasel a ttenququlent. Tafat a tettnerni, Mazigha tewwi-d asefru dayen ur wwint tezmamin. Tazwara-yis d asirem :
"Nettruz'u, ur nkennu
Tilelli a tt-nemmager
Tafat gher-s a neddu
S wayen nesâa a nekker..."

Ass-a, h's'igh awway i yi-th'emmel Mazigha, dayen ur zmiregh ad ktilegh : d nettat i yi-d-yerran gher tudert mi wwd'egh gher tizi n tmettant. Nejbed ssnasel nquqlent, mazal cit' ad rrz'ent, di tallit a d-iteddun a d-ttwakksent. Iâett'aren ad ffghen axxam akd tmurt-nnegh, inagh ur tufid' win i yasen-yessekran. Seh'h'ren-iyi ad ughalegh d yiwen nnsen ad amnegh s wayen ur nelli d tilawt, ad idiregh s wesweghwegh n tgerfiwin. Urzen-iyi, yerna qqaren i yeâciren "ur yettwarez, ur yelli" ! a yi-tth'ettimen akken ur ttamnegh s wayen i z'rant wallen. Ssnasel i yi-cudden, abrid-agi ur ttamnegh ara acku asirem yezdegh ul-iw !

Yiwwas, a neffegh gher tafat-ina a ttwaligh a d-tekcem si ccqayeq. Tamazgha, tamurt-nnegh ad idiregh nek d weltma Tamazight akud lligh. Ad iz'iden wussan-nni acku imal ihegga-yagh-d tament, talwit, tayri d tudert igerrzen. Deg imal, targit a tt-nerr d tilawt, nek d Tmazight s ifadden n tdukli-nnegh.

Saïd n At Chemakh

Tamacahut n Uqebbab

Taledya — 2004-04-28T23:14:58Z

Macahu, tellemcahu. Ad teghzif amm ugatu.

Herd'en-d yitsen inegmaren izem. Irwel, ikcem s yiwet tiz'gi. T'faren anaghiz-nnes ar t-ttnadan, ur t-ufin.

Izem, netta yekka inger isekwla allig nn-ibedda ghif yiwen uqebbab irez'z'an kra n iqwba, ar isskar tigejda.

Inna-yas yizem : "Tanemmirt-nnek, mek illa ma g i-tteffred ad ur i-nghin yitsen inegmaren, ha-ten-inn kkan-d d'ari !"
Irz'em uqebbab yiwen uclif, isekcem-t degs, irar-as tassast yaghul s twuri-nnes.

Imik, han inegmaren uwd'en-d s ghures, yenna-yas yiwen degsen : "Mayed ides tgid ay aterras ?"

Irura-asen, inna-yasen : "Ur illi ughilif ! Tanemmirt-nnun !"

Nnan-as digh : "Akud nna tellid da, is ur ak-d-yagh yiwen waywal da, ikkad az'ey-a ?"

Inna-yasen uqebbab : "Uhu ! Dghi ayd sellagh i kra n ummer'xwec d'art ixlijen nnagh, maca ayenna yawen-nnigh skareksegh mek iga izem negh awtul."

Ddan inegmaren iberdan-nnsen, ar seksiwen s tseggwin is ur ttafan anaghiz n yizem. Ur t-ufin.

Ayenna aggugen, isrey-as uqebbab imi i weclif. Iffegh-d waywal, inna-yas i wergaz : "Tessned is i-yengha laz', maca mani g ttafagh kra ttettegh amm keyyin ?"

Inna-yas uqebbab : "Ah a ya wa ! Tettud akw amesku digek gigh ? Ghas dghi ayd k- jjenjemgh. Mer idd i nekkin is-nn-tellid ger ifassen-nnsen !"

Inna-yas yizem : "Walu, nigh-ak, ghas ini ayenna trid, aghz'az' ad ig ili-nnek."

Inna-yas urgaz : "Waxxa, maca ad ak-cerd'egh !"

Iqbel yizem tikti-nnes, inna-yas : "Mayed ghurek ?"

Inna-yas urgaz : "Ad nsesten krad' inigan, ayenna s ggran akw ad ittug neg-t."
Ddan g ubrid, afen-nn agmar ar ikessa g yiwet tmerdult, sestenen-t, inna-yasen :

"Ghez'z'-t ay izem, ghez'z' anekkar' n umesku'. Mecta ayd as-gigh allig wessiregh, iger-iss-i g umerdul-a."

Zrin agmar, afen aydi igna ddaw yiwet tasaft, sfafan-t-id g tguni-nnes. Nnan-as mayed as-yaghen, inna-yasen : "Unnagh, ghas mek illa mayed as-ttegged ad ur-ti ttiz'iregh, ad ur as-ttwed'd'ar walu. Ay ayd ides munegh s tegmert ! Ay ayd as-ksigh ! Ay ayd as matregh axam.!Ar ttettegh ghas igaluzen. Iddegh i-yannay kkawegh, ur yad da d-isiggir z'ari. Ghez'z'-t ayd igen awal !"

T'faren abrid ar yiwen uferrugh. Immecteg kra inger wafriwen illan ddaw isekwla. Zgan ad z‘ren mayed illan, zzigh hat innsi. Sbedden-t ad t sestenen. Inna-yasen : "Is tessnem aferru n tmukrist-nnun, ur nn-illi ar adghar g temgam tigi tamezwarut. Dinnagh ag ghuri mayed ttinigh. Mek tram a-naghul, hat ayennagh ayd inmen."

Aghulen s ad'ghar g irez'z'a uqebbab iqwba. Ayenna nn-lekmen, inna-yasen yinnsi : "Iwa, dghi, alsat-i-d i mayed tgam seg tizwuri !"

Inna-yas yinnsi i yizem : "Mayed tgid iddegh k-id-herd'en inegmaren ?"

Irura-yas nwis ikcem aclif. Irz'em-as-t uqebbab, iqqen ghifes. Ind'u-d yinnsi, inna-yas i wergaz : "Mas tteqqeld a war ighef ? Mani tacaqurt-nnek ?"

Izuh'-tt-d, yagh-nn ar iss ikkat izem allig-t iga d iberyan. Ayenna ismed, inna-yas i yinnsi :

"Dghi g tefra ta, righ-k d imensi-nu nekkin d warraw-inu !"
Inna-yas yinnsi : " Tzegled g wawal-nnek ! Tettud idd nekkin a k-isxusmen ?"

Zund ur as isella , yasi-t-id ad ur irwel. Inna-yas yinnsi : "Ufla n tawda ! Maca tessned mar ad ur i tegraz', ghuri icicawen-inu d tewtemt, dduyagh-nn ad ten-inn-nasey i ayt walmessi-nnek is ur ttyawanem !"

Isares-t s akal, ar tteddun. Issawi-t yinnsi ar axbu n tfighra tad'erghalt. Ikcem z'ars, ar as-itteggwer s isennanen-nnes allig tergha, irz'em-as-d, inna-yas i uqebbab : "T't'ef, han amezwaru yedda-nn !"
Igra-d uqebbab afus tewt-t g ud'ad, immet g ud'ghar.

Yenna-yas yinnsi : "Unna yettettun amesku imki ayd as-igan !" Ismed abrid sghur warraw-nnes.

"Zrigh-tt-enn-g tagat, aghulegh-d g talwit. Ar kwen-kkategh s ighsan, ar i-tekkatem s teglay."

Irura-tt-d gher tirra : DERWIC Âumar'

Igwelmimen, ahad 22/4/1992

Amawal n tmacahut

Hred' : poursuivre
Inegmaren : chasseurs
Anaghiz : trace
Aqebbab : bûcheron
Iqwba : troncs
Yitsen : quelques (masc.)
D'ari : derrière moi
Aclif : gros sac
Aywal : animal, bête
Az'ey-a : ce côté
Aggug : s'éloigner
Srey : dénouer
Amesku : le bien
Sesten : interroger
Agmar : cheval
Tamerdult : terrain, place
Amerdul : (lexla) dehors
Mecta : combien
Sfafa : éveiller
Unnagh : celui-là
Mater : garder
Aferrugh : virage, courbe
Adghar : (amkan) place
Tigi : action
Nd'ew : sauter, intervenir
Iberyan : morceaux
Smed : (kemmel) terminer
Sxusem : sauver
Asey : prendre
Icicawen : petits
Almessi : foyer
Axbu : trou
Tagat : le mal

T'maa i nghan amghar

Masin — 2004-04-14T23:29:10Z

Aselway n tmurt izerâen adrim kra yekka usegg°as di yal tamnat' n tmurt ansi yaada, ised'meâ maci d kra. Ula di tmurt n leqbayel sligh qaren-as : “ar melmi ara tkemmel akka. Laar'ac bb°in-agh ar wesyax. Ugin tufrint (lvot'), dgha ulac acu id is'uh'en tamurt n leqbayel. Timnad'in nnid'en n tmurt fur's'ent. Sidi aselway igh°zzif ufus-is ar wid it-id imugren s tiz'et' n yiles.”

Isertiyen kercen aqendur' ad ttekin di tufrint amer ahat a ten-id is'ah' kra. Nesla i isertiyen qaren i yemdanen “A wen-d nawi tugdut d tlelli. A nekkes tamh'eqr'anit.” Z'ran akw medden d winna illan ara yughalen, acu llan wid iskaddben ula d iman nnsen. Amer ahat ....?

Ihi t'maâ ingha amghar igla s lwacul.

Nnigh-as kan amer ahat a nwali amek ted'ra di Sbenyul. Akka i d agdud !

Nnigh-as kan amer ahat tikelt-a a-d-ifriren wid ara iqedcen aff tmurt. Awah ! Zigh mazal d tamurt ara iqdcen fell-asen. Inna-yi-d yiwen di tmurt “ Tidett kan, lufan agh-fken talwit a-d-rren awal d udabu i wegdud, a neqqen allen nnegh, ayen bghun refden-t ukren-t” Akka i d nneya ! Iz'id a dda ameh'duq rnu-d cit'uh'.

Rabeh'