YU TAMAGUST

Liγ agacur (zz’her) acku gmiγ-d g-yiwen walmessi igan γas imedyazen d imariren-imki ayed nga seg wahli aya- amm yu, ran-tt akw imezdaγ n iγrem-nneγ.

Γas ad yili kra n umdaz (lferh’) neγ tameγra tannayed-nn yu tezwar-asent i tsednan ar ttirir ar tterridu (tcett’eh’) ar ttini timucuha d tset’siwin (blagues). Ayenna tez’ra g wufuγen nesskar - meqqar drusen - da yas-ttales dat n winna illan.

Cfiγ-as i yiwen wufuγ g tez’ra asebded n izuγraren (trains) ; iddeγ d-taγul tales-aγ-as-d i-uyelli tannay s ummecteg d udida (ss’ut), tessken-d akw ayenna ikkan ass-nnaγ g usebded zund adida n uzuγrar neγ awal n-yiwdan.

Idd ayenna ittegga baba tessen-as kigan : Da d-tlessa timelsit-nnes n urgaz ig ira ad iffeγ tales-aγ-as-d i-wawal nna ittini, ard da nettiγil idd netta ayennaγ.

Iddeγ tekka tnekra n Qsent’ina, uzzlen idammen ngin γef iberdan. Akud-nnaγ ur nemmummiy neγ nseggem, ayennaγ as nettuz’mey nettusker’fes : Afd’iwen n iterrasen ayed ittunγan, llan inegr-asen kigan n ayt walmessi-nneγ ; nekkin ttuxemceγ ttukerfeγ, aya ayed iwten yu allig tt-γlin imexwyad’ (lejnun), idduxecca unelli-nnes. Ur d-iqqimi degs wad’u g uyelliγ n tmett’ut’-lliγ tga, teg tamagust zund is tt-seγren imesγaren allig waxxa da ttiriren igd’ad’ tiγil is da tt-reggmen.

Yiwet n tudert ixxan ayed ikerfen yu g teγmert, ur da tteffeγ γas kra n tikkal.

Ngum (qbel) tawada γer Fransa, iddeγ i-yezz’ay n-wad tt-ttinniyeγ, uwiγ-tt γer yiwen iγmer yad’en iwer-inn i yiγrem n Dzayer, dinna g illa usaglaz’ (sbitar’) n imud’an n unelli, teggawer dinnaγ tz’a n iseggwasen ur ğin tt-nnuliγ neγ tt-z’riγ, ur ğin nufi ad nezdey awal inegr-aγ, aya γur umedyaz neγ γur umyaru iga-t yu-nnes, iga-t wawal-nnes, awal amezwaru nna isella iddeγ (lorsque) illa g ululu-nnes.

Tizwuri γuri nekkin, bd’iγ d-wawal n yu ; asra (après) g i-d-yuwed’ ulluzzu-nnaγ ameqran yaγen yu as ur i-d-yagur umya.

Yu, terz’a taruz’i tar asafar, ttyages g-wul-nnes ; ur yad tezmir ad tsiwel, ur yad isul kra n umyalkam ides, ayennaγ ayed i-iruran s awal-inu amezwaru, awal n yu.

Dinna g lliγ, tur-a, iga amerwas i yu. Tikkas-inu timezwura aruγ-tent suleγ mezz’iyeγ, iddeγ da ttedduγ s aγerbaz, ayelli aruγ illa s tefransist ; yu, ur tγiy i tγuri-nnes- tira nna d-ssafγeγ timezwura gant tamedyazt, llig as-tent-ssekneγ i yu, tesnaγes-tent takez-tent acku da ttakez ayenna nniγ awed s uzgen n-wawal.

Dmiγ, s tidet, amer as-ittufki uzal i yu ar tezmer ad tturu idlisen zund irgazen- tezmer ad teg yiwet tnaz’urt g umezgun.

Tessaγ-d (tessken-d) azuxu-nnes s uyenna aruγ, ar ttganna ad d-iffeγ.
Yu, isem-nnes Yasmina ; ar iss ttwarageγ yitsent tikkal sucku ammezday d tad’a mmezdayen ineg-raγ aha (toujours). Maca, ur ğin kkiγ tind’elt-nnes acku ur tgi tirzi-nnaγ γas tirni n ummuγey n wul.

Riγ ad sseflideγ i yirir n yu, riγ ad i-d-tteffeγ zund dilliγ g tdus, tett’ef aqellal ar tterridu ; ay ayed riγ ad as-ssfeldeγ !

Awed iddeγ tenmala taggara-nnes, ayenna yebbey degs wawal tsul tumez’ anaruz n umdaz d urridu d-yirir.

Nessekles-tt, ussan imeggura, ar ttirir teg tanzumt. Yitsent tikkal, nessγed i tesfift nekkin d ayt walmessi... yiwen wuzzug yalwun ad ind’ef ig as-isetterfes kra.


Amagrad yaru s tefransist : KATIB Yasin
Isuγel-t-id γer tmaziγt  : DERWIC Âumar’