Ah ya ddin qessam, amer yezmer a d-yent’eq !...

Nessawed’ akk kra n yiwen wass a d-nini, am akken s-yeqqar Muh’end u yah’ya, “m bla r’ebbi ma terna-yas !"
Akka i neqqar mkul m’ara neqd’eε layas.
Akka kan ara nebdu tajmmilt-a « Adieux l’ancien » akka i yura deg yiwet ger « les banderoles » i εellqen warraw n tmurt n Muh’ya assen n tent’elt-is.
« Les anciens » ruh’en-d akw ass-en ; icennayen, inaz’uren, wid ukud d-yemsenker, wid akw ukud yeγra deg Iεezz’ugen, wid ukud yeγra di tesdawit d wid ukud yečča tagella d lemleh’ di Fr’ansa. Libr’ubr’u akw h’edren i tent’elt, rran-as tajmmilt taneggarut. Ala kra n wid yesseqdac leh’kwem tagara yagi ur d-nusi ara.

Mbaεd Muh’ya nni ur nh’emmel isseγ d zz’dih’ wwin-t-id s yiseγ d ezz’dih’ iεedda-d di “le salon d’honneur” n wennar n temsrafgin di temdint n Lezzayer ; qublen-t ach’al d aterras, sinna wwin-t-id ar wexxam n yedles “Dda Lmulud at Maamer’” di Tizi-Wezzu. Deg id’ yid’ εezz’ren fell-as s lexwan deg wexxam n gma-s di Tizi-Wezzu. Azekka-nni γumen-t s ledr’apu azzayri wwin-t γer taddart-is. Dinna sersen-t zdat lğamaa u γran Fell-as lecyax leqwran. Wwin-t akken γer tmeqbert zdat luluf n lγaci i yeqqimen d tijemuyaε h’ekkun timuhyatin.

Qqaren at zik : "Assmi yedder yectaq atemr’iw, asmi yemmut εelleqn-as agazu." Di tudert-is ur h’siγ ad yeqbel tigi. Lamaεna lmut d lmut : axir win mi kfant akka. Tr’uh’ed’ a Muh’ya tγabed’ kan γef allen tbeddled’ kan tamurt n tudert. Tudert n lebda ternid’ ur Dda Lmulud, Kateb Yasin, Dda Sliman d wiyad’.

Tedred’, ad tidired’ deg ulawen nneγ ulawen imeγnasen n yedles d tugdut.

Qqim di talwit a Muh’ya.


Mez’yan at Sider.