Immut Muh’ya, ad yidir Muh’ya !

Ass n larbεa tameddit iwwed’-aγ-d lexbar iqerreh’ : iγli usalas n tmuzγa.
Ifka tudert-is i tmaziγt, yura, yurar amezgun, irna-d ar tirect n yidles nneγ kra yufa igerrez deg tutlayin n ayed’. Brecht, Prévert,H’ikmet, isenteq-iten-id akk s taγect imesdurar.

Yumen s tegmatt d tdukli ger wid inh’afen, iqbel knant tuyat-is ddaw teεkemt zz’ayen, γas ma drus i t-ifehmen. Seg wasmi tluγ tegwnitt, yal wa ijebbed ar tama-s, yuγal Muh’ya ar rrif : myif ad isel i tsusmi wala i useglef n imencaf...

At’an i t-iwwin, ur illi degs ccek, ikka-d seg iγeblan i d-slul deg walaγ-is yir tagmatt. Melmi ara nefk azal i imawlan n tmusni, melmi ara sen-neg ccan deg tudert nsen ? Muh’ya iruh’, iğğa-d agerruj ur nettfaka, irz’a asalu akken i terz’an wiyad’, am Dda Lmulud.

Wissen, nekwni s wid iddren, ma nessiwed’ ayen i γ-d-iğğa i tsutwin i d-iteddun , wissen ma nkemmel deg ubrid i inğer, neγ deg-neγ ala awal ?

Ssarameγ talwit i Muh’ya, am akken ssarameγ ad tettwarfed tira-s, ad yidir yisem-is.


Boualem Aourane
Montréal, ass n lexmis 9 dujendir 2004