Accueil > S tmazight > Tad’sa > Ad mmteγ ur yi-teččur !
Ad mmteγ ur yi-teččur !
lundi 9 août 2004
par Masin

Imi d nulfant tmessraffgin (labyuwat), imiren ttinigen medden. Dγa yiwen ira (ibγa) ad iṛuḥ ar Fṛansa, ad iṭṭef timsriffegt, dacu yugad. Inna-yas “amer tura timsriffegt agi a d-teγli, ad mmteγ ur yi-terri tmara !"

Dγa iṛuḥ ad izeṛ amγar azemni - zikenni, mi yeεweq yiwen, yeḥwaǧ win ara s-d-immeln iberdan, ad iṛuḥ ar wemγar azemni - isteqsa-t, inna-yas : "Ay amγar azemni, bγiγ ad ṛuḥeγ di temsriffegt, dacu bγiγ ad zreγ m’ad mmteγ neγ ala !”

Amγar azemni inna-yas-d : "A mmi, ad temmteḍ ma teččuṛ-ak ! Deg genni naγ di tmurt, ma teččur-ak...”
Dγa winna inna-yas : “Tura ma d nek umi teččuṛ mmuteγ, γas. Ugadeγ ma teččuṛ-as i win ara ynehṛen timessriffegt, ad immet, nek ad dduγ di leγlaḍ : ad mmteγ ur yi teččuṛ !”

Masin,
1999.


Rejoignez nous