Accueil > S tmazight > Idles > Meksa : acennay n tayri, tilelli d tegrawla...
Meksa : acennay n tayri, tilelli d tegrawla...
sghur Amez’yan at Sider
lundi 9 août 2004
par Masin

"Yella walbaad’ yella ulac-it, yella walbaad’ ulac-it yella”. S lemtel agi i nezmer a nebdu asmekti nnegh, imi d awal zeddigen, is’eh’h’an d akken maci d yiwen, maci d sin yergazen i-s-iruh’en i yedles nnegh di temrawt agi taneggarut. Wigi d Sliman Âazem, Mh’emmed Isyaxem, H’nifa, Mulud Maamri, Kateb Yasin, T’ahar Jaâut’,...

Maca ddren merr’a yid-negh, xas ruh’en mazal ayen d djjan a t-nessider i lebda. Gar-asen yella yiwen wergaz n ccna n teqbaylit i tewwi tmettant deg yiwet n twaghit di lgherba. Wagi d Âabdelqader Meksa yuklalen a t-id-nesmekti ghas s kra n wawalen kan.

Ilul-ed Meksa di tazwara n tt’rad n weslelli n Lezzayer di 1954 di tama n wedrar n At Qd’iâa. Si temz’i-s yerra lwelha-s at’as s icewwiqen nni n zik. Yefka-yasen azal, yewwi-ten-id di ccna atrar.

Xas ma T’awes Âamr’uc d Dda Lmulud sufg hen-d si tatut at’as n tmucuha d lemtul, Meksa yecna-ten i wid ur nessin ara ad ghren.

Yecna :Tafunast igujilen, Zelgum, Lungja ; tigi d timucuha. Yecna tayri, tayri tazedgant, tayri n tudert, tayri n tlelli. Yecna ghef leâwayed nnegh am Timecret’,... Yecna ghef tlelli, ghef tegrawla, ghef izerfan n wemdan, ghef yergazen n umezruy nnegh : Masinisa, Gaya, Yugurten. Yal tizlit di tezlatin ines d adlis negh ahat d asaru. Di 1975, Meksa yeskels-ed tasfift tamezwarut I wuni isemma Lundja. Yessufgh-ed tasfift tis-snat di Fr’ansa, deg seggas n 1977, i wumi isemma Asif anida yecna tizlatin am : Tafunast igujilen, Tagrawla, Zelgum, Masinisa, Tudrin nnegh, Laâdjeb.

Di 1979 yecna di tzeqqa n At’las di Lezzayer. Allalen isallen zemken-tt fell-as a-s-tinid’ maçi d azzayri. Yettwah’qar am akken yettwah’qar yedles nnegh (amazigh), yiwen ur d-imeslay fell-as.

Mbaâd taluft nni n Tefsut Imazighen[[Printemps berbère, évènements de Kabylie, avril 80], yughal-ed s yiwet n tesfift tamaynut I wumi isemma Amnekcam i deg icna : Cbah’a n teqbayliyin, Izerfan n wemdan, Lghwerba, Tilelli. Di tezlit Amnekcam yeqqar’-as :
"...Mugregh-t-id la yettru
S’fed’gh-as imett’awen-is
Bbwigh-t akken ad yesseh’mu
Mi gekcem yezz’l id’arr’en..."


S yin yekcem di tatut, yelha d lxedma-s imi netta, yakan, d ajenyur’ di “l’informatique”.

Di 1988 yufrar-ed tikelt nnid’en yewwi-d amaynut i wumi yeqqar Amghar azemni. Maca ur iâett’el ara mi d-tewwed’ tmettant th’ews’-it ir’uh’ d asfel ur ih’dir’ i wayen d ilulen mbeâd Tuber’, tewwi-t d ilemz’i di lâemr’-is kr’ad n tmerwin d kuz’ (34) iseggasen.

Tensa teftilt unaz’ur n ccna atrar n teqbaylit ass n 30 Tuber’ 1988. Tameddurt-is tfuk am akken tefra yiwet di tmucuha i d-yettawi.

"Qim di talwit ay itri, ay aâessas n tez’gi, Zelgum tufid’ deg-gefri."


Amez’yan at Sider,

- Amawal i wed’ris agi

- Amawal Tamazight-Tafr’ansist

Ad’ris agi yettwakkes-ed di tesghunt Imazighen ASS-A*, utt’un wis sin, Paris, 1995.

P.-S.

(*) Imazighen ASS-A d tasghunt n tmesmunt Tamazgha.

Articles dans la rubrique :

Idles
25/11/04
0
Liγ agacur (zz’her) acku gmiγ-d g-yiwen walmessi igan γas imedyazen d imariren-imki ayed nga seg (...)

Lire l'article


Rejoignez nous


3 Messages

  • > Meksa : acennay n tayri, tilelli d tegrawla... 17 avril 2005 18:54, par Ahcene
    merci pour cette valorisation donnée au grand artiste feu Meksa. bon j’ai lu son biographie, Vous avez donné un aperçu sur sa vie et ses ouevres que j’adore et j’écoute : Tafsut A3essas ntezgi - Massinissa - Lundja - Tafunast igujilen ...etc :clindoeil : Je suis de son village Natal Que malheureusement :en_colere : n’a pas cité dans votre article qui est MIRA, pourtant trés connu en Kabylie et trés important qu’Adrar. j’espere bien que vous reconciderer cette information, et que meksa repose en Paix dans le cimetiere de sidi M’hens en haut de Mira. :clindoeil : merci pour votre superbe site
  • azul,

    je recherche desespérement les deux derniers album de meksa dont le dernier : "amghar azemni"

    si quelqu’un le possede merci de me contacter a cette adresse mail : gobbay hotmail.com

    tanemirt.

  • > Meksa : acennay n tayri, tilelli d tegrawla... 4 janvier 2006 16:39, par redjdal zaghdoud"mastanabal"
    azul-iw iw-meksa yeffghen tassebhit-a abrid-is ghar idurar,ghas aken yekkred s-elmahna addar-is degw-sawen yaàya ma d-alghis yemnaà icwal,ma dnek rebbi yezzra deg temdint n-elàassima mazal la jebbedgh amrar.... adakyaàfu rebbi a meksa abdel kader.