Accueil > Actualité > I tmurt n Leqbayel...
I tmurt n Leqbayel...
alɣu
mardi 24 décembre 2019
par Masin

"Agraw i Tmurt n Leqbayel" isuffɣ-d alɣu deg waydeg d-yessawel i wakken Leqbayel ur ɣellin ara di tqullaɛin yettandi udabu azzayri i wakken ad iger Tamurt n Leqbayel di tillas. Agraw i Tmurt n Leqbayel ur iri ad azzlen idammen n Leqbayel ɣef imennuɣen ur nelli d wid n Teqbaylit.

Atan, ihi welɣu n Wegraw s wadda-yagi.



Alɣu



Tamurt n Leqbayel teḥwaǧ arraw-is !

Tamurt n Leqbayel tefka idammen-is akken ad yili uwanek azzayri, tennuɣ i waken ad tili degs tugdut, i wakken a s-ig amḍiq i Tmaziɣt, i wakken ad ikfu lbaṭel n iserdasen, i wakken ad ilin izerfan n wemdan,… I tt-id yuɣalen ala tiyitwin, miḥyaf, lbaṭel, leḥbas, d weldun.

Ass-agi, tamurt n Leqbayel ur ilaq ara ad teddu d taqeffaft deg mennuɣ ur nelli d amennuɣ-is. Nek°ni s Leqbayel ur ilaq a neddu d wid ur nessin dacu i d timmuzɣa ; wid i ran ad ssiǧwen Taferka n ugafa i tiɛuṛbebt d tineslmet ; wid i ran ad snegren aẓar amaziɣ. Nek°ni s Leqbayel ilaq a d-nelhi d tmurt-nneɣ, a nḥareb fellas akken ur tt-ssegririben ara icenga-nneɣ : ama d wid n beṛṛa, ama d wid n ugensu.

Adabu azzayri d waklan-is ran ad rwin tamurt-nneɣ, ran a s-kksen iman-ines. Ihi nek°ni ilaq a nerr afrag i wakken ur tt-id-yettaweḍ wayen s-sarmen icenga. Ilaq a nebges i wakken a s-neẓẓu ijeǧǧigen, att-nerr di tafat acku acengu ira a tt-iger di tillas.

Ass-agi, issefk a nili d iɛessasen ɣef tmurt n Leqbayel i wakken ur ɣellin ara yelmeẓyen-nneɣ di tqullaɛin i ɣ-ttandin at-udabu d ssrabes-nnsen. Imi imcumen-agi ran a tt-sekkren di tmurt n Leqbayel i wakken ad wwten, ahat ad nɣen. Ihi ur ilaq ara idammen n Leqbayel ad ɣlin ɣef ulac, naɣ deg umennuɣ ara ɣ-d-gen at udabu azzayri.

Ur ilaq ara a nettwakellex, ur ilaq ara a ɣ-ɛerqen iberdan naɣ a d-nger azrem s aqelmun. Tamurt n Leqbayel teḥwaǧ arraw-is ara tt-id-yessuffɣen di tagut i d-yeɣlin fellas.

Tudert i Tmurt n Leqbayel !

Lpari, ass n 12 Dujenber 2969 (24 décembre 2019).

Tansa taliktṛunikt : coordination.kabyle gmail.com
Agraw ɣef Facebook : https://www.facebook.com/CKF2020/

Alqu s pdf
PDF - 91.2 ko

Articles dans la rubrique :

Actualité
17/12/19
0
Le Rif a besoin de liberté après un demi siècles de souffrance, de répression et de (...)

Lire l'article

09/12/19
0
C’est avec beaucoup de tristesse que nous apprenons la disparition, jeudi, à Rabat, du docteur (...)

Lire l'article

02/12/19
0
La Coordination des Kabyles de France (CKF), créée à Paris en mars 2019, dans le sillage des (...)

Lire l'article


Rejoignez nous


modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.