Accueil > Dossiers et documents > Ennayer - Yennayer > Ennayr chez les Aït Ouaouzguite
Ennayr chez les Aït Ouaouzguite
vendredi 14 janvier 2005
par Masin
Iď n Nnayr.






Ass nna iď n nnayr’ [1], iggru γ dujambir. Da ttidunt tmγarin, z’ďnt ibawn. Ddun ijijan s igran, awin d gsin tammayt d zzitun d uďar n utbir t tmaz’z’uγt n tili d lfas’s’a d txsayt d uqur’r’. Awin tammayt d zzit, gnt i lεtbat n tgmmi. Asin aqur’r’ d lfs’s’a d xizzu d uďar’ n utbir d tmz’z’uγt n tili, fkn tn i tmγarin.

Asint tmγarin dγayann kullu, zaydnt gis yan waqqa, gnt nn dγayann γ tgdurt, ntta d ibawn. Gnt fllas aman z’iďnin, ar ingga. Ar tassaεt nna inwa, asint daγtifiyya d zgzaw nns, gnt stt inn γ tgdurt ula nttat.

Tassaεt nna ir’ah’ imnsi, asint d talxca, nnan as : « Iqqur’ uxsas nnk ! » Wa nna yufan aqqa, nnan as : « Ih’la yak ssεd nnk ! »

Tassaεt nna ccan, asin yat tmťťus’t n uγr’um. Mmun tt inn γ tlxca, gn tt inn dar tďar’t n tflut, ag gis tns.
<br<
Asin daγ tagdurt ann n us’gaď. Ccn-t, ssarn dγayann γ udis nns, gn, r’γn. Zikk, iγ d nkrn, qllbn tamt’t’us’t, da gan γ dar td’ar’t n tflut. Nnan, iγ nn gis ufan kra n ccεr n wulli, nnan ak : « Rant ad darsn zaydnt wulli γ usggas ann. » Iγ nn gis ufan inz’iď n imugayn, nnan : « Rant ad darsn zaydnt lbhaym. » Iγ nn gis ufan inz’d’ n uγyul, nγ asrdun, nnan : « Ran ad darsn zaydn γ usggas ann. » Iγ nn gis ufan inz’ď n uγyul, nγ asrdun, nnan : « Ran ad darsn zaydn γ usggas ann. » Iγ nn gis ufan kra ccεr izggaγn nγ izgzax, nγ awraγ, nnan : « Ira ad darnγ izayd kra n lfrac asggas ad. » Iγ nn gis ufan kra n tsttixt, nnan : « Ira a immt kra gisn γ usggas ann. »

Illin daγ wi da iskrn lqaεida ufan inz’ď n uγyul, nγ asrdun, nnan : « Ran ad darsn zaydn γ usggas ann. » Iγ nn gis ufan kra ccεr izggaγn nγ izgzax, nγ awraγ, nnan : « Ira ad darnγ izayd kra n lfrac asggas ad. » Iγ nn gis ufan kra n tsttixt, nnan : « Ira a immt kra gisn γ usggas ann. »

Illin daγ wi da iskrn lqaεida yaďnin. Da ttasin ibawn d yirdn d tmzin d umsri d ikikr d tniltit. Ssarn tn, ar tn cttan γ yiď n nnayer. Rγn s lktrt n dγayann ssan. Nnan : « Ha nn asggas ibddl, ir’γa lh’al, tkka d trγi akal. » Illa gis lbaεď n isggasn, dda d nkkrn, afn d tilist, tqqn asn imi n tgmmaw.


Extrait de :

Pierre Amard, Textes berbères des Aït Ouaouzguite (Ouarzazate, Maroc), édités et annotés par Harry Stroomer, Edisud « Bilingues », Aix-en-Provence, 1997.

Notes

[1aussi innayr

Articles dans la rubrique :

Ennayer - Yennayer
27/02/10
1
"Le calendrier berbère est un calendrier agraire !" Cette assertion, qui se réfère implicitement (...)

Lire l'article

17/02/09
12
Yennayer est un terme pan-nord-africain désignant le premier mois de l’année calculée selon le (...)

Lire l'article

11/01/07
2
"Ad ffɣen iberkanen, ad kecmen imellalen". Par cet adage est annoncé le premier jour de l’an (...)

Lire l'article


Rejoignez nous